• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

معروف اداکار کے بیٹے ساحر حسن کا ویڈیو بیان سامنے آیا گیا

آج کا اخبار
اہم خبریں
21 مارچ ، 2025
کراچی ( ثاقب صغیر/اسٹاف رپورٹر )ویڈ کی فروخت کے الزام میں گرفتار معروف اداکار کے بیٹے ساحر حسن کا ویڈیو بیان سامنے آیا ہے۔ملزم ساحر حسن کے مطابق میں اسلام آباد میں ایک دوست یحییٰ کے ذریعے ویڈ منگواتا تھا۔یحییٰ کا کزن شاہ نور میرا دوست تھا اسی کے ذریعے رابطہ ہوا ۔مجھے گھر پر نجی کوریئر کمپنیوں کے ذریعے ویڈ ملتی تھی۔ساحر حسن نے بتایا کہ مجھے سپلائی کی جانے والی ویڈ کیلیفورنیا امریکا سے منگوائی جاتی ہے۔میری 2017 میں ارمغان سے ملاقات ہوئی ، وہ 2016سے منشیات فروخت کر رہا تھا۔ساحر حسن کے مطابق ارمغان کو جیل بھی ہوئی تھی جہاں اس کی ملاقات بلال ٹینشن سے ہوئی ۔ساحر حسن نے بتایا کہ میں ارمغان کا کبھی بھی دوست نہیں رہا میری دوستی مصطفیٰ عامر سے تھی۔ مصطفیٰ عامر سے میری پہلی ملاقات 2022 میں ایک دوست معظم پٹیل نے کرائی تھی۔میں اور مصطفیٰ عامر پینے کے لیے ویڈ ایک دوسرے کو دیتے رہتے تھے۔ایک سال تک میرے پاس ویڈ نہیں آرہی تھی تو مصطفیٰ مجھے پینے کے لیے ویڈ لا کر دیتا رہا۔ساحر حسن نے بتایا کہ کچھ ماہ پہلے مجھے ایک دوست واسع گلزار نے فون کر کے بتایا ارمغان بہت امیر ہو گیا ہے اور ارمغان نے کروڑوں کی گاڑی ، بنگلہ، اسلحہ اور شیر کے بچے خریدے ہیں۔دوست نے بتایا ارمغان بیرون ملک بزرگ افراد کے پینشن فنڈ میں فراڈ کرتا ہے۔ارمغان فراڈ کاروبار کے نام پربیرون ملک سے پیسے منگواتا اور غائب ہو جاتا تھا۔ساحر حسن نے بتایا کہ 4 جنوری کو مصطفیٰ عامر سے آخری ملاقات ہوئی ۔ وہ ایک گرام ویڈ ادھار لے کر گیا تھا۔مصطفیٰ نے مجھے 5 جنوری کو رقم دینے کا کہا تھا لیکن وہ پھر کبھی نہیں آیا۔ 15 جنوری کو ارمغان شیراز کے ساتھ میرے گھر پر آیا ۔دروازہ زور سے بجایا اور میری بیوی سے بدتمیزی بھی کی۔ارمغان نے گرفتاری سے 3 روز پہلے 1 لاکھ 33 ہزار روپے کی 14گرام ویڈ خریدی تھی ۔ملزم کے مطابق میں والد کے ساتھ رہتا ہوں۔میں ویڈ بیچتا ہوں یہ میری بیوی کو بھی پتہ تھا ۔میں نے اپنے گھر کی الماری میں 400 گرام ویڈ چھپا رکھی تھی۔ یہ میں نے 35 لاکھ روپے میں خریدی تھی۔اس سے قبل پولیس نے عدالت میں جمع کروائی گئی رپورٹ میں بتایا تھا کہ ملزم ساحر حسن نے ویڈ کا پودا کے کر گھر میں کاشت کاری کی کوشش کی تھی۔
اہم خبریں سے مزید