• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سروسز چیفس کی یوم پاکستان پر مبارکباد

آج کا اخبار
اہم خبریں
23 مارچ ، 2025
راولپنڈی (اے پی پی)چیئرمین جوائنٹ چیفس آف اسٹاف کمیٹی (سی جے سی ایس سی) اور سروسز چیفس نے یوم پاکستان کی 85ویں سالگرہ پر قوم کو دلی مبارکباد پیش کی ہے۔’’میرے محبوب پاکستان - میری جان پاکستان ‘‘، آئی ایس پی آر کا نغمہ جاری کردیا،پاک فوج کے شعبہ تعلقات عامہ (آئی ایس پی آر) کی جانب سے جاری بیان میں انہوں نے کہا کہ 23 مارچ 1940 ہماری تاریخ میں ایک فیصلہ کن موڑ تھا - ایک ایسا دن جس نے ہمارے اجتماعی وژن کو روشن کیا اور ایک آزاد وطن کی تعمیر کا راستہ طے کیا،ایمان کی جڑیں، امید کی رہنمائی اور لچک سے مضبوط، یہ موقع پاکستانی قوم کے غیر متزلزل عزم کا مظہر ہے۔اسلام کے ابدی اصولوں کو برقرار رکھتے ہوئے جمہوریت کے جھنڈے تلے ترقی جاری رکھے ہوئے ہے۔مستقل عزم اور جذبے کے ساتھ پاکستان اپنے جمہوری اداروں کو مضبوط بنانے اور اپنے شہریوں کی فلاح و بہبود کے لیے پرعزم ہے۔ پاکستان کی مسلح افواج، ہمیشہ چوکس اور ثابت قدم، ہماری مقدس سرحدوں کی حفاظت اور ہمارے پیارے مادر وطن کی خود مختاری کو برقرار رکھنے کے لیے اپنے غیر متزلزل عزم کا اعادہ کرتی ہیں۔آج پاکستان عالمی برادری کے ایک ذمہ دار اور پرعزم رکن کے طور پر کھڑا ہےجو امن، استحکام اور تعاون کی حمایت کرتا ہے۔ علاوہ ازیں آئی ایس پی آر نے 23 مارچ کے حوالے سے خصوصی ملی نغمہ جاری کیا ۔ ترقی، امن اور استحکام کے پیغام کے ساتھ خصوصی نغمے کے بول میرے محبوب پاکستان،میری جان پاکستان ہیں۔عمران رضا کے لکھے ملی نغمے کو مشہور پاکستانی گلوکار عاطف اسلم نے گایا ہے،نئے ملی نغمے کا خصوصی پیغام، ایک دل، ایک جان، ایک پاکستان ہے۔
اہم خبریں سے مزید