• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جعلی ویزہ پر سفر کرنیوالا مسافر گرفتار

آج کا اخبار
اہم خبریں
23 مارچ ، 2025
کراچی( اسٹاف رپورٹر )ایف آئی اے امیگریشن نے جعلی ویزہ پر سفر کرنے والے مسافر کو گرفتار کر لیا۔گرفتار مسافر کی شناخت محمد اظہر کے نام سے ہوئی۔حکام کے مطابق مسافر پاکستانی پاسپورٹ پر ملاوی سفر کر رہا تھا۔امیگریشن کلیئرنس کے دوران مسافر کی سفری دستاویزات مشکوک پائی گئیں ۔مسافر کے پاسپورٹ پر لگے سینیگال اور انڈونیشیا کے ویزا اسٹیکرز جعلی پائے گئے ۔ابتدائی تفتیش کے مطابق مسافر ملاوی میں ورک/ریزیڈنٹ ویزا حاصل کرنا چاہتا تھا اور ملاوی میں مقیم سلیم نامی ایجنٹ سے رابطے میں تھا ۔مذکورہ ایجنٹ نے 10 ہزار امریکی ڈالر کے عوض ویزا دلوانے کا وعدہ کیا اور ایجنٹ نے مسافر کے پاسپورٹ پر جعلی ویزے چسپاں کیے تاکہ پاسپورٹ زیادہ مستند لگے ۔مسافر کو مزید تحقیقات اور قانونی کارروائی کے لیے اینٹی ہیومن ٹریفکنگ سرکل کراچی کے حوالے کر دیا گیا ہے۔
اہم خبریں سے مزید