• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان ڈے پریڈ، آج 3 بجے تک راولپنڈی، اسلام آباد میں بڑی گاڑیوں کا داخلہ بند

میرا شہر
اسلام آباد
23 مارچ ، 2025
راولپنڈی (سٹاف رپورٹر)پاکستان ڈے پریڈ کے موقع پر ہفتہ کی رات 12 بجے سے آج 23 مارچ سہ پہر 3 بجے تک راولپنڈی،اسلام آباد میں تمام بڑی گاڑیوں کا داخلہ بند ہوگا ۔ترجمان موٹر وے پولیس کے مطابق پشاور سے براستہ جی ٹی روڈ بجانب راولپنڈی اسلام آباد آنے والی تمام بڑی گاڑیوں کو مارگلہ اور ٹیکسلا کے مقام پر جب کہ پشاور سے براستہ موٹروے آنے والی تمام بڑی گاڑیوں کو برہان انٹرچینج پرروک دیا جائے گا۔ لاہور سے براستہ موٹروے آنے والی تمام بڑی گاڑیاں چکری انٹرچینج کے مقام پر روک دی جائیں گی ،لاہور سے براستہ جی ٹی روڈ آنے والی تمام بڑی گاڑیوں کو مندرہ ٹول پلازہ پر روک دیا جائے گا ،اسی طرح کشمیر اور مری سے آنے والی تمام بڑی گاڑیاں 17 میل ٹال پلازہ سے 20 کلومیٹر پہلے روک دی جائیں گی۔ترجمان کاکہناتھاکہ تمام بڑی گاڑیوں کے مالکان اور ڈرائیوروں کو ہدایت کی جاتی ہے کہ کسی بھی تکلیف و پریشانی سے بچنے کے لیے 23 مارچ کی سہ پہر 3 بجے تک راولپنڈی اسلام آباد کی طرف سفر سے گریز کریں اور کسی محفوظ مقام پر اپنے قیام کو یقینی بنائیں۔
اسلام آباد سے مزید