فرمان الہی
نماز کے اوقات
کراچی ( اسٹاف رپورٹر) میئر کراچی بیرسٹر مرتضیٰ وہاب نے کہا ہے کہ صدر میں ٹریفک کے نظام کو فوری بہتر کرنے کا فیصلہ کیا ہے، عید کے بعد پانچ سو گاڑیوں کی بیک وقت پارکنگ فعال کردی جائے گی، تاریخی ایمپریس مارکیٹ کے اندرونی حصوں کی بحالی کا کام جاری ہے اور مارکیٹ سے تجاوزات بھی ختم کی جارہی ہیں، ان خیالا ت کا اظہار انہوں نے ایمپریس مارکیٹ کے تفصیلی دورے کے موقع پر کیا،میئر کراچی نے کہا کہ بولٹن مارکیٹ کے قریب بھی ایک پارکنگ ایریا بنایا جا رہا ہے، اسی طرح پولو گراؤنڈ بارہ دری سے متصل انڈرگراؤنڈ پارکنگ،پی آئی ڈی سی اور آئی آ ئی چندریگرروڈ آنے والوں کے لئے کھول دی گئی ہے، گورنر سندھ سے بھی ریلوے کی زمین کے ایم سی کو دینے کی درخواست کی ہے اگر یہ زمین مل گئی تو آئی آئی چندریگر روڈ اور اطراف کے پارکنگ کے مسائل حل ہوسکتے ہیں، کراچی میں سڑک کے کنارے پارکنگ کے مسائل حل کئے جا رہے ہیں، میئر نے ٹریفک پولیس انتظامیہ سے بھی کہا ہے کہ ٹریفک کے دباؤ والے علاقوں میں زیادہ نفری تعینات کریں تاکہ ٹریفک رواں دواں رہے۔
