• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بلوچستان میں ہڑتال، وڈھ سے کوئٹہ تک لانگ مارچ کا اعلان

میرا شہر
پشاور
26 مارچ ، 2025
پشاور( مانیٹرنگ ڈیسک )بلوچستان نیشنل پارٹی (مینگل) کی جانب سے پولیس کریک ڈاؤن اور بلوچ یکجہتی کمیٹی (بی وائی سی) کے رہنماؤں کی گرفتاریوں کے خلاف بی وائی سی کے حالیہ مظاہروں کی حمایت کی کال پر منگل کو گوادر اور صوبے کے دیگر ساحلی شہروں میں ہڑتال کی گئی۔ہڑتال کے دوران مختلف شہروں میں تمام کاروبار، بینک، دکانیں اور پیٹرول پمپ بند رہے۔گوادر سے 270 کلومیٹر دور شہر اورماڑہ میں تاجروں کی ایسوسی ایشن کی جانب سے ڈاکٹر ماہ رنگ بلوچ، بیبو بلوچ اور سمی دین بلوچ سمیت بی وائی سی کی تمام خواتین رہنماؤں کی گرفتاریوں اور مقدمات کے خلاف مکمل شٹر ڈاؤن ہڑتال جاری تھی۔واضح رہے کہ ایک روز قبل کراچی پولیس نے بی وائی سی کی قیادت کی حالیہ گرفتاریوں اور کوئٹہ دھرنے پر کریک ڈاؤن کے خلاف احتجاج کے دوران بی وائی سی کی رہنما سمی دین بلوچ اور متعدد دیگر افراد کو حراست میں لیا تھا۔جمعے کی شام کو پولیس نے بی وائی سی کے رہنما بیبرگ بلوچ سمیت بلوچستان یونیورسٹی کے قریب سریاب روڈ پر دھرنا دینے والے بی وائی سی کے مظاہرین کو منتشر کرنے کے لیے آنسو گیس اور واٹر کینن کا استعمال کیا تھا۔بلوچستان حکومت اور بی وائی سی نے جانی نقصان کی اطلاع دی تھی، کارکن گروپ نے 3 افراد کی ہلاکت اور 13 دیگر کے زخمی ہونے کا دعوی کیا تھا اور پولیس کا کہنا تھا کہ ان کے تقریباً 10 اہلکار زخمی ہوئے ہیں جبکہ  سمی دین بلوچ سمیت 4افراد ایم پی او ایکٹ کے تحت ایک ماہ کیلئے زیرحراست ہیں
پشاور سے مزید