فرمان الہی
نماز کے اوقات
کراچی (اسٹاف رپورٹر) نیوزی لینڈ اور پاکستان کے درمیان پانچواں اور آخری ٹی ٹوئنٹی انٹرنیشنل میچ بدھ کو ویلنگٹن میں کھیلا جائے گا۔ میچ پاکستان کیلئے اعتماد بحال کرنے کا چیلنج ہے۔ آئی پی ایل کے سبب کئی اہم کھلاڑیوں کی عدم موجودگی کے باوجود میزبان ٹیم نے سیریز تین ایک سے اپنے نام کرلی ہے۔ نوجوان کھلاڑیوں پر مشتمل پاکستانی ٹیم آخری میچ میں بقاء کی جنگ لڑ کر سیریز میں ہار کا فرق کم کرسکتی ہے۔ پاکستان کے بولنگ کوچ اظہر محمود کا کہنا ہے کہ فاسٹ بولرز کی کارکردگی انفرادی ہورہی ہے، بحیثیت بولنگ یونٹ نہیں ہورہی۔ تین کے تین بولرز ایک ساتھ پرفارم کریں تو اچھا ہوگا ۔ ایک میچ میں حارث نے بہت اچھی بولنگ کی، باقی نہیں کرسکے، ٹیم نوجوانوں پر مشتمل ہے، کھلاڑیوں کی فائٹنگ اسپرٹ سب نے دیکھ لی، سیریز ہار گئے ہیں، کسی ٹورنامنٹ سے آؤٹ نہیں ہوئے، ماڈرن ڈے کرکٹ میں اب 160 نہیں ، 180یا 200 پلس ہی ہوتا ہے۔ شاہین آفریدی بدقسمت رہے ان کی گیند پر ٹاپ ایج ہوئے لیکن وکٹ نہیں ملی، کوشش ہوگی سیریز 3-2کرکے جائیں،ماضی کی نسبت اب یہاں گیند زیادہ باؤنس ہوتی ہے۔ بیٹر کو بتایا کہ پیس کے ساتھ لڑنا نہیں ہے اس کو استعمال صحیح کرنا ہے، بولرز کو بھی بتایا کہ یہاں اس طرح کی لینتھ رکھنی ہے ، ابرار کو آٹھ میچز ملے ہیں جو زیادہ نہیں ہیں۔
