فرمان الہی
نماز کے اوقات
آج ہم آپ کی خدمت میں پیش ک ررہے ہیں افطاری کے لیے کرنچی گارلک چکن کی مزیدار سی ریسپی جس کو بنانا انتہائی آسان ہے۔
لہسن 1عدد (باریک کٹا ہوا)، لیموں کا رس 1 کھانے کا چمچ، مکھن 2 کھانے کے چمچ، کالی مرچ 1 کھانے کا چمچ، سفید مر چ 1 کھانے کا چمچ، انڈا 1 عدد (پھینٹا ہوا)، مرغی (سینے کا گوشت) 4 سے 6 عدد بوٹیاں، سرکہ 4 کھانے کے چمچ، اوریگانو 1 کھانے کا چمچ، تیل حسبِ ضرورت۔
سب سے پہلے لیموں کا رس، لہسن، مکھن، پارسلے، نمک اور کالی مرچ ان سب کو چوپر میں پیس کر مکسچر بنا لیں۔
پھر ایک پلیٹ میں بریڈ کرمبز اور دوسری پلیٹ میں نمک اور کالی مرچ ملا کر رکھ لیں۔
اب چکن کے چھوٹے چھوٹے ٹکڑے کر لیں اور نمک، کالی مرچ، سرکہ اور اوریگانو کو اس پر اچھی طرح لگا دیں۔
انڈوں کو پھینٹ کر علیحدہ رکھ دیں، اب چکن کو سب سے پہلے والے مکسچر میں کوٹ کریں، پھر میدے میں، پھر انڈے میں اور آخر میں بریڈ کرمبز میں کوٹ کریں اور اچھی طرح فرائی کریں۔
کرنچی گارلک چکن تیار ہے، اسے مزے دار چٹنی کے ساتھ پیش کیجیے۔
