• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

غیر معیاری ناقص سویٹس متعدد بیکری یونٹس سیل غیرمعیاری تیل تلف

میرا شہر
پشاور
27 مارچ ، 2025
پشاور(وقائع نگار)وزیر خوراک خیبر پختونخوا ظاہر شاہ طورو کی خصوصی ہدایت پر خیبر پختونخوا فوڈ سیفٹی اتھارٹی نے عیدالفطر قریب آتے ہی ناقص اور غیر معیاری سویٹس کے خلاف کارروائیاں تیز کر دی ہیں۔ صوبے بھر میں جاری آپریشن کے دوران متعدد بیکری اور پروڈکشن یونٹس کی انسپکشن کی گئی، جبکہ صفائی کی ناقص صورتحال اور مضر صحت و غیر معیاری اشیاء کے استعمال پر سخت کارروائیاں عمل میں لائی گئیں۔کاروائیوں کے تفصیلات جاری کرتے ہوئے ترجمان فوڈ اتھارٹی کا کہنا تھا کہ فوڈ سیفٹی ٹیموں نے پشاور، مردان، ایبٹ آباد، ڈی آئی خان، لوئر چترال سمیت مختلف اضلاع میں رات گئے کارروائیاں کیں۔ ترجمان نے بتایا کہ پشاور کے چارسدہ روڈ، دلازک روڈ اور گلبہار میں انسپکشن کے دوران صفائی کی ناقص صورتحال پر 2 بیکری یونٹس سیل کر دیے گئے، جبکہ 20 لیٹر غیر معیاری تیل موقع پر ہی تلف کر دیا گیاترجمان کا مزید کہنا تھا کہ ایبٹ آباد، چترال، ڈی آئی خان، دیر اپر اور ہنگو میں حفظانِ صحت کے اصولوں کی خلاف ورزی پر بھاری جرمانے عائد کیے گئے اور متعدد یونٹس کو امپروومنٹ نوٹسز جاری کیے گئے۔
پشاور سے مزید