فرمان الہی
نماز کے اوقات
کراچی ( نیوز ڈیسک) ایلون مسک کی کمپنی ٹیسلا کی مصنوعات کی فروخت میں اس سال کے پہلے تین ماہ کے دوران 13 فیصد کی نمایاں کمی واقع ہوئی، جو کمپنی کی تاریخ میں اب تک کی سب سے بڑی گراوٹ ہے۔
اس کی وجہ سی ای او ایلون مسک کے خلاف عوامی ردعمل اور الیکٹرک گاڑیوں کی بڑھتی ہوئی مسابقت کو قرار دیا جا رہا ہے، جس نے ٹیسلا کی مانگ کو شدید متاثر کیا۔
بدھ کے روز ٹیسلا نے رپورٹ جاری کی کہ اس نے رواں سہ ماہی میں 3,36,681 گاڑیاں فراہم کیں، جو گزشتہ سال کے اسی عرصے کے مقابلے میں 50,000گاڑیاں کم ہیں۔ یہ کمپنی کی تقریباً تین سالوں میں سب سے خراب فروخت رہی ہے۔
ٹیسلا کو اپنے شورومز کے باہر احتجاجی مظاہروں کا سامنا بھی رہا ہے، جن میں مظاہرین نے ایلون مسک کی ایک اور حیثیت، یعنی محکمہ حکومتی کارکردگی کے سربراہ کے طور پر کیے جانے والے اقدامات، اور سابق امریکی صدر ڈونلڈ ٹرمپ کی انتظامیہ کی پالیسیوں کے خلاف آواز بلند کی۔
علاوہ ازیں، ٹیسلا کے کچھ مراکز بشمول چارجنگ اسٹیشنز اور گاڑیوں کو بھی توڑ پھوڑ کا نشانہ بنایا گیا۔ ان تمام واقعات نے ممکنہ خریداروں کو ٹیسلا گاڑی خریدنے سے روکنے میں کردار ادا کیا ہو سکتا ہے۔
