• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایلون مسک دنیا کے امیر ترین، زکربرگ دوسرے، بیزوس کا تیسرا نمبر

آج کا اخبار
اہم خبریں
03 اپریل ، 2025
کراچی ( نیوز ڈیسک) امریکی جریدے فوربز نے 2025کے لیے دنیا کے امیرترین افراد کی فہرست جاری کر دی ہے اور ٹیسلا کے مالک ایلون مسک ایک بار پھر دنیا کے امیر ترین فرد قرار پائے ہیں۔ مارک زکربرگ 216ارب ڈالر کیساتھ دوسرے ،جیف بیزوس 215ارب ڈالر کیساتھ تیسرے ، لیری ایلیسن 192ارب ڈالر کیساتھ چوتھے اور برنارڈ آرنلٹ 178ارب ڈالرکے ساتھ پانچویں نمبر پر ہیں ۔ اس سے قبل 2024 میں فرانس سے تعلق رکھنے والے برنارڈ آرنلٹ دنیا کے امیر ترین شخص قرار دیے گئے تھے۔ لیری پیج 144 ارب ڈالر ، سرگئی برن 138 ارب ڈالر ، ایمانسیو اورٹیگا124 ارب ڈالر اور اسٹیو بالمر 118ارب ڈالر کیساتھ بالترتیب ابتدائی 10میں شامل ہیں، ماضی کے امیر ترین شخص بل گیٹس فہرست میں 13ویں نمبر پر پہنچ گئے ہیں ۔تفصیلات کے مطابق ایلون مسک کی دولت میں 2024 کے دوران 75 فیصد اضافہ ہوا اور اس طرح وہ ایک بار پھر فوربز کی فہرست میں دنیا کے امیر ترین شخص بن گئے، مسک 342ارب ڈالر کا اعزاز حاصل کرنے والے دنیا کے پہلے شخص بھی بن گئے ہیں ، فوربز کی نئی فہرست میں ایلون مسک نے 342 ارب ڈالرز کے ساتھ دنیا کے امیر ترین شخص بننے کا اعزاز حاصل کیا اور یہ پہلی بار ہے جب کوئی فرد اتنی زیادہ دولت کے ساتھ دنیا کا امیر ترین شخص قرار پایا۔فوربز کی 39 ویں سالانہ فہرست کے مطابق دنیا بھر میں اس وقت 3028ارب پتی موجود ہیں جو تاریخ میں سب سے زیادہ تعداد ہے۔ایک سال کے دوران 247 افراد ارب پتی بنے۔رپورٹ میں بتایا گیا کہ دنیا کے ارب پتی کی دولت میں ایک سال کے دوران 2 ہزار ارب ڈالرز کا اضافہ ہوا اور وہ مجموعی طور پر 16 ہزار ارب ڈالرز سے زیادہ کے مالک ہیں۔فہرست میں میٹا کے چیف ایگزیکٹو مارک زکربرگ 2016 ارب ڈالرز کے ساتھ دنیا کے دوسرے جبکہ ایمازون کے بانی جیف بیزوز 2015 ارب ڈالرز کے ساتھ تیسرے امیر ترین شخص قرار پائے۔اوریکل کے شریک بانی لیری ایلیسن 192ارب ڈالرز، برنارڈ آرنلٹ 178 ارب ڈالرز، وارن بفٹ 154 ارب ڈالرز کے ساتھ چھٹے، گوگل کے شریک بانی لیری پیج 144 ارب کے ساتھ 7 ویں جبکہ دوسرے شریک بانی سرگئی برن 138ارب ڈالرز کے ساتھ 8 ویں نمبر پر رہے۔اسپین سے تعلق رکھنے والے ایمانسیو اورٹیگا کے حصے میں 9 واں نمبر آیا جو 124 ارب ڈالرز کے مالک ہیں جبکہ مائیکرو سافٹ کے سابق چیف ایگزیکٹو اسٹیو بالمر 118 ارب ڈالرز کے ساتھ 10 ویں نمبر پر رہے۔ماضی میں برسوں تک دنیا کے امیر ترین شخص رہنے والے مائیکرو سافٹ کے شریک بانی بل گیٹس اب کافی نیچے آگئے ہیں اور 108 ارب کے ساتھ 13 ویں نمبر پر رہے۔بھارت کے مکیش امبانی 92.5 ارب ڈالرز کے ساتھ ایشیا کے امیر ترین شخص قرار پائے جبکہ مجموعی طور پر وہ دنیا کے 18 ویں امیر ترین شخص ہیں۔
اہم خبریں سے مزید