• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

صدر آصف زرداری کی صحتیابی کی خصوصی دعائیں کیں، سبط الحیدر بخاری، راشد چوہان

اسلام آباد(جنگ نیوز) صدر مملکت آصف علی زرداری کی صحتیابی اور ملکی سلامتی و خوشحالی کے لیے مسیحی برادری کی خصوصی دعائیں کی گئیں۔مسلح افواج کے شہید قوم کے ماتھے کا جھومر ہیں ان کے نام ہمیشہ کیلئے زندہ جاوید ہوگئے۔ وطن عزیز کی سیاسی قیادت بھی افواج پاکستان سے بھرپور یکجہتی کا اظہار کررہی ہے۔ مسیحی برادری پاک فوج کے ساتھ سیسہ پلائی دیوار کی طرح کھڑی ہے۔ان خیالات کااظہار پاکستان پیپلز پارٹی سنٹرل سیکرٹریٹ کے انچارج سید سبط الحیدر بخاری المعروف سبطی شاہ اور مرکزی مسیحی رہنما راشد چوہان نے کیا۔انکا کہنا تھاکہ ہمارے دل ان جوانوں کے ساتھ دھڑکتے ہیں جو موسم کی سختیوں،کھانے پینے اورآرام کی پرواہ کئے بغیراپنے بیوی بچوں اورعزیزواقارب سے دور ملک کی سرحدوں کی دن رات حفاظت کررہے اور اس کی خاطر اپنی قیمتی جانیں قربان کرنے سے بھی گریز نہیں کرتے۔ مسیحی برادری قوم کاہراول دستہ ہے۔
اسلام آباد سے مزید