فرمان الہی
نماز کے اوقات
کراچی(اسٹاف رپورٹر)جوڈیشل مجسٹریٹ شرقی نے شارع فیصل پر تیز رفتار گاڑی کی ٹکر سے میاں بیوی کی ہلاکت کےکیس میں آئندہ سماعت پر ملزم کی عمر کے تعین سے متعلق رپورٹ اور چالان طلب کرلیا۔ پولیس نے گرفتار ملزم انیق کو عدالت میں پیش کردیا۔عدالت نے تفتیشی افسر سے سوال کیا کہ کتنے دن کا ریمانڈ ملا تھا۔تفتیشی افسر نے جواب دیا کہ 8 روز کا ریمانڈ مل چکا ہے ۔عدالت نے سوال کیا کہ ملزم کی عمر کے تعین کا حکم دیا تھا، رپورٹ کہاں ہے ؟ تفتیشی افسر نے بتایا کہ جس دن ریمانڈ ملا تھا اسی دن ملزم کو عمر کے تعین کیلئے اسپتال لے کر گیا تھا ، پولیس سرجن نے چار دن میں رپورٹ دینے کا کہا تھا لیکن عید کی چھٹیوں کی وجہ سے رپورٹ نہیں ملی ۔عدالت نے سوال کیا کہ ابتدائی رپورٹ تو ملی ہوگا نا ؟ تفتیشی افسر نے بتایا کہ ابھی تک ابتدائی رپورٹ بھی نہیں ملی ہے ، گاڑی کا مالک تاحال گرفتار نہیں ہوا ہے ، شریک ملزم کے گھر پر تالا لگا ہوا ہے ۔مدعی مقدمہ اور ملزم کے وکلاء کے درمیان تلخ کلامی ہوئی۔عدالت نے ملزم انیق کو عدالتی ریمانڈ پر جیل بھیج دیا۔ عدالت نے آئندہ سماعت پر عمر کے تعین سے متعلق رپورٹ اور چالان طلب کرلیا۔
