فرمان الہی
نماز کے اوقات
کراچی (اسٹاف رپورٹر) پاکستانی نژاد اسکاٹش ویمن کرکٹر ابطہا مقصود کا کہنا ہے کہ پاکستان میں کھیلنا میرے لیے خاص لمحات ہیں۔ میرے والدین کا تعلق لاہور سے ہے، یہاں واپس آکر بہت اچھا لگ رہا ہے۔ پاکستان میں کبھی نہیں کھیلا ، 8 برس کے بعد پاکستان آئی ہوں ، رشتہ داروں سے مل کر اچھا لگا ، قذافی اسٹیڈیم میں کھیلنے کا موقع ملا جو خاص چیز ہے۔ میرے والد کرکٹ کے بہت بڑے فین ہیں، ان کی وجہ سے کرکٹ کا شوق ہوا ، بھائی اور والد کے ساتھ گھر کے گارڈن میں کرکٹ کھیلتے تھے۔ انہوں نے کہا کہ میرے کچھ رول ماڈلز ہیں ، کنگ آف اسپن شین وارن ان میں سے ایک ہیں، عمران خان کی بڑی فین ہوں، اس وقت میرے فیورٹ بابر اعظم ہیں وہ شاندار بیٹر ہیں۔25 سالہ لیگ اسپنر 8 ون ڈے اور 57 ٹی ٹوئنٹی انٹرنیشنل کھیل چکی ہیں۔
