فرمان الہی
نماز کے اوقات
اسلام آباد(نمائندہ جنگ)نائب وزیراعظم اور وزیرخارجہ اسحاق ڈار نے کہا ہے کہ ہمارے دین میں فتنے سے کوئی ڈیل ممکن نہیں، جن لوگوں نے 9 مئی کے واقعات میں حصہ لیا، اب اس کی قیمت ادا کر رہے ہیں، اگر کسی کو قانونی عمل کے نتیجے میں سزا ہوئی تو حکومت اس میں مداخلت نہیں کر سکتی،بات چیت اسی وقت ممکن ہے جب مخالفین سرینڈر کریں اور آئین و قانون کے دائرے میں آئیں۔لندن میں میڈیا سے گفتگو کرتے ہوئے ان کا کہنا تھا کہ جو لوگ سیاست کرنا چاہتے ہیں، انہیں پاکستان واپس آ کر سیاسی میدان میں حصہ لینا چاہیے، بیرون ملک بیٹھ کر لاکھوں ڈالر خرچ کر کے پاکستانی اداروں کو بدنام کرنا نہ صرف قابل مذمت ہے بلکہ اس کا سخت نوٹس لیا جانا چاہیے۔
