• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملتان سے کراچی ریفریجریٹر لینے آنیوالے شہری کو سی ویو جانا مہنگا پڑگیا

آج کا اخبار
اہم خبریں
22 اپریل ، 2025
کراچی ( اسٹاف رپورٹر )ٹک ٹاک کی ویڈیو دیکھ کر ملتان سے کراچی ریفریجریٹر لینے کے لئے آنے والے شہری کو سی ویو جانا مہنگا پڑ گیا۔بائیک رائیڈر "پردیسی" کو سمندر کنارے لے جاکر کپڑے، چپل، موبائل فون اور چالیس ہزار روپے لیکر غائب ہوگیا۔متاثرہ شخص ملتان سے کراچی پہنچا تھا۔اس نے ایک ویڈیو بیان میں بتایا ہے کہ اس نے کینٹ اسٹیشن پر شیرشاہ کے لئے موٹر سائیکل بک کرائی۔شیر شاہ مارکیٹ پہنچے تو مارکیٹ بند تھی۔شیر شاہ سے کورنگی اپنے رشتے دار کے گھر جانے کے لئے اسی بائیک رائیڈر سے کہا۔ متاثرہ شخص نے بتایا کہ راستے میں کلفٹن سی ویو آیا تو سمندر دیکھنے کے لئے رک گیا۔سی ویو سمندر میں گیا، کپڑے گیلے ہونے پر اپنے قمیض ،چپل بائیک رائیڈر کو دیئے۔ متاثرہ شہری نے بتایا کہ سمندر میں گیا وہاں سے دیکھا تو بائیک رائیڈر غائب تھا ۔متاثرہ شخص کے مطابق میرے قمیض کی جیب میں چالیس ہزار نقد ، موبائل فون شناختی کارڈ و دیگر اشیاء موجود تھیں ۔بائیک رائیڈر کے ہاتھوں لٹنے والا شہری بغیر قیمض اور ننگے پاؤں سی ویو چوکی پہنچا۔پولیس نے متاثرہ شہری کی درخواست وصول کرلی ہے اور بائیک رائیڈر کی تلاش جاری ہے۔
اہم خبریں سے مزید