فرمان الہی
نماز کے اوقات
کراچی(اسٹاف رپورٹر)کمشنر کراچی سید حسن نقوی نے متعلقہ اداروں سے کہا ہے کہ شہر میں جگہ جگہ قر بانی کے جانوروں کی منڈی کے قیام کے خلاف کارروائی کی جائے، انہوں نے کراچی میں تمام سول اور فوجی اداروں کو ہدایت کی ہے کہ وہ عیدالاضحی کیلئے قائم کی جانے والی مویشی منڈی کو خوبصورت انداز میں لگائیں اور منڈی کی ضرور یات کے مطابق تمام سہولتیں فراہم کریں ، کے ایم سی صرف ایک منڈی لگائے اور اس میں تمام سہولتیں فراہم کرے، اعلیٰ سطح کے اجلاس میں اعلیٰ سول فوجی افسران، کے ایم سی، ایس ایس ڈبلیو ایم بی، کنٹونمنٹ بورڈز، کراچی کے تمام ڈپٹی کمشنرز، ایڈیشنل کمشنر کراچی اور دیگر ادارے شامل تھے، کمشنر کراچی نے کہا کہ اگر کسی قسم کے ناجائزٹیکس یا کوئی اور شکایت موصول ہوئی تو ہر قسم کی قانونی کارروائی کی جائیگی، انھوں نے ڈپٹی کمشنر ملیر کو ہدایت کی 3دن میں ایک جامع رپورٹ دیں۔
