• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اے پی این ایس کی پاکستان پر بھارتی میزائل حملے کی مذمت

آج کا اخبار
اہم خبریں
08 مئی ، 2025
کراچی(نیوز ڈیسک)آل پاکستان نیوز پیپرز سوسائٹی پاکستان کی سرزمین پر بھارتی میزائل حملے کی شدید مذمت کرتی ہے اور وطن کی آزادی اور خودمختاری کو درپیش تمام خطرات سے نمٹنے کے لئے ریاستِ پاکستان اور مسلح افواج کی مکمل حمایت کے عزم کا اعادہ کرتی ہے۔آل پاکستان نیوز پیپرز سوسائٹی کے صدر سرمد علی نے ایک پریس بیان میں کہا ہے کہ بھارت کی جانب سے پاکستان کی سرزمین پر حملہ خطے کے امن اور خوشحالی کیلئے تباہ کن ہوگا اور اس سے خطے کے عوام اور معشیت کو غیر معمولی نقصان پہنچے گا۔انہوں نے جنگی جنون میں مبتلا بھارتی لیڈروں پر زور دیا کہ وہ خطے کو عدم استحکام سے دوچار کرنے کی کوششوں سے باز آجائیں۔ سرمد علی نے قوم کو یقین دلایا کہ پاکستان میں پرنٹ میڈیا مستند خبروں اور معروضی تجزیوں کی ترسیل میں مثبت اور فعال کردار ادا کرے گا، تاکہ عوام کو باخبر رکھا جاسکے ۔اے پی این ایس کے صدر نے مسلح افواج اور حکومت پاکستان کو پرنٹ میڈیا کی جانب سے بھارتی حکومت کی جارحیت اور دھمکیوں کے خلاف وطن کے دفاع کے لیئے ہرممکن تعاون کا یقین دلایا۔
اہم خبریں سے مزید