فرمان الہی
نماز کے اوقات
کراچی (اسٹاف رپورٹر) بنگلہ دیش کے کرکٹر ریشاد حسین نے کہا ہے کہ پاکستان سپر لیگ دوبارہ بحال ہونے پر اپنی ٹیم جوائن کرنے کیلئے بے تاب ہوں۔ پی ایس ایل میں غیر ملکی کھلاڑیوں کے حوالے سے دیئے گئے بیان پر وضاحت کرتے ہوئے کہا کہ مجھے اندازہ ہے کہ میرے کمنٹس سے بہت زیادہ کنفیوژن پیدا ہوئی ، بدقسمتی سے میڈیا پر میری باتوں کو غلط انداز سے پیش کیا گیا ہے۔ ٹام کرن اور ڈیرل مچل سے غیر مشروط معافی مانگتا ہوں، اپنے ساتھی کھلاڑیوں اور قلندرز کے بھائی چارے کی دل سے عزت کرتا ہوں ۔ میں نے دبئی ایئرپورٹ پر ٹرانزٹ کے دوران بنگلہ دیشی صحافیوں کو مختصر انٹرویو دیا ، میرے بیان کو بڑھا چڑھا کر اور سیاق و سباق سے ہٹ کر پیش کیا گیا ۔ اس سے پیدا ہونے والیغلط فہمی پر افسوس ہے۔
