• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

قطر کا ٹرمپ کو 500 ملین ڈالر کے لگژری بوئنگ طیارے کا تحفہ دینے کا اعلان

آج کا اخبار
اہم خبریں
14 مئی ، 2025
نیویارک (عظیم ایم میاں) قطر کا ٹرمپ کو 500ملین ڈالر کے لگژری بوئنگ طیارے کا تحفہ دینے کا اعلان ، امریکی سینٹ میں اپوزیشن لیڈر چارلس شومر نے اسے کھلی کرپشن قرار دیدیا، امریکی اٹارنی جنرل نے اس فیصلے کا دفاع کرتے ہوئے کہا ہے کہ یہ تحفہ کسی امریکی قانون یا اخلاقیات کی خلاف ورزی نہیں۔ تفصیلات کے مطابق قطر کی جانب سے امریکی صدر ٹرمپ کو 500ملین ڈالرز کی مالیت کے قیمتی بوئنگ طیارے کو بطور تحفہ دینے کا اعلان نے نہ صرف امریکا کے صدر اور سرکاری عہدیداران کو غیر ممالک اور شخصیات کی جانب سے ملنے والے تحائف کے بارے امریکی قواعد و قانون بارے ایک بحث کو جنم دیا ہے بلکہ امریکا کی داخلی سیاست کو بھی سرگرم کردیا ہے اور امریکی سینیٹ میں اپوزیشن ڈیموکریٹک پارٹی نے ری پبلکن امریکی صدر ٹرمپ کے نامزد کردہ محکمہ انصاف کے اعلی عہدیداران کی تقرری کی منظوری کےعمل کو روکنے کا مطالبہ کردیا ہے ۔ امریکی سینیٹ میں اقلیتی پارٹی کے قائد ڈیمو کریٹ سینیٹر چارلس شومر نے ری پبلکن امریکی صدرٹرمپ کی جانب سے محکمہ انصاف میں کی جانے والی سیاسی تقرریوں کی سینیٹ سے منظوری کے عمل کو روکنے کا مطالبہ اس وقت تک کے لئے کیا ہے جب تک قطر کی جانب سے صدر ٹرمپ کو لگژری بوئنگ طیارے کا تحفہ دیئے جانے کے بارے میں مزید تفصیلات سینیٹ کو فراہم نہیں کی جاتیں گوکہ تحفہ میں ملنے والا بوئنگ طیارہ صدر ٹرمپ کے لئے ’’ائیرفورس ون‘‘کے سرکاری نام سے سرکاری دوروں کے لئے استعمال ہوگا۔
اہم خبریں سے مزید