فرمان الہی
نماز کے اوقات
اسلام آ باد (رانا غلام قادر ) گداگری ؛ بیرون ملک سے بے دخل پاکستانیوں کی تفصیلات قومی اسمبلی میں پیش ۔ 3سالوں میں مختلف ممالک سے5 ہزار 402 پاکستانی نکالے گئے، 5ہزار 33سعودی عرب سے بیدخل یو این ایچ سی آر پروگرام تحت 13 لاکھ 77ہزار 24افغان مہاجرین وطن واپس ۔بدھ کوقومی اسمبلی کے اجلاس میں انجم عقیل خان کے سوال پر وزیر مملکت مختاراحمد ملک نے ایوان کو بتایا ملک میں 30لاکھ کے قریب افغان پناہ گزین تھے ، 8لاکھ13ہزار کے پاس اےسی سی کارڈز،13لاکھ افغان پناہ گزینوں کے پاس پی اوآر کارڈز ہیں ، یو این ایچ سی آر پروگرام تحت13لاکھ 77ہزار24افغان مہاجرین کو واپس بھجوایا جا چکا ہے۔نومبر 2023سے 7 مئی2025تک ایک لاکھ2ہزار230غیر قانونی افغان مہاجرین کو واپس بھجوایا گیا ۔گداگری میں ملوث بیرون ملک سے بے دخل کیے پاکستانیوں کی تفصیلات قومی اسمبلی میں پیش کردی گئیں۔وزارت داخلہ نے بتایا کہ گزشتہ تین سالوں میں مختلف ممالک میں گداگری میں ملوث 5ہزار 402پاکستانیوں کو بے دخل کیا گیا۔ 2024میں مختلف ممالک میں4ہزار850پاکستانی گداگری کے الزام میں بے دخل کیے گئے۔ 2025 میں مختلف ممالک سے گداگری کے الزام میں بے دخل پاکستانیوں کی کل تعداد 552ہے ۔گزشتہ تین سالوں میں گداگری کے الزام میں سب سے زیادہ 5ہزار 33 پاکستانیوں کو سعودی عرب سے بے دخل کیا گیا۔ گداگری میں ملوث پاکستانیوں کا تعلق پنجاب ، سندھ ،کے پی کے،بلوچستان اور آزاد کشمیر سے ہے۔ وزارت داخلہ کے مطابق دو سالوں میں کورئیر پارسل کمپنیوں کے ذریعے منشیات کی سمگلنگ کے کل 344 کیسز رجسٹر کیے گئے۔ 70کیسز میں منشیات ملک کے اندر اور 174میں بیرون ملک لے جانے کی کوشش اے این ایف نے ناکام بنادی۔ تعلیمی اداروں سے منشیات کے خاتمے کےلیے349آپریشنز کئے گئے 400منشیات فروشوں کو گرفتار کرکے 1393.498 کلو گرام منشیات ضبط کی گئی۔سال2024میں 392 منشّیات فروشوں کو سزا سنائی گئی۔
