جدہ (شاہد نعیم )سعودی ولی عہد محمد بن سلمان نے پاکستان اور بھارت کے درمیان ہونے والی جنگ بندی کا خیرمقدم کیا ہے، انہوں نے کہا کہ اس سے خطے میں کشیدگی میں کمی لانے اور امن بحال کرنے میں مدد ملے گی، انہوں نے سفارتی کوششیں کرنے پر ٹرمپ کی تعریف بھی کی۔ ریاض میں جی سی سی امریکا سربراہی اجلاس سے خطاب کرتے ہوئے محمد بن سلمان نے پاک بھارت سیز فائر کے لئے امریکی صدر ڈونلڈ ٹرمپ کی سفارتی کوششوں کو سراہا۔