فرمان الہی
نماز کے اوقات
اسلام آباد (ایجنسیاں)اسٹیٹ بینک نے واضح کیا ہے کہ اس سے منسوب کرنسی نوٹوں کی خبر میں صداقت نہیں ہے۔ترجمان اسٹیٹ بینک نور احمد نے سوشل میڈیا پر گردش ہونے والی خبروں کو مسترد کرتے ہوئے کہا کہ سٹیٹ بینگ سے منسوب کرنسی نوٹوں کے خبر میں صداقت نہیں۔ انہوں نے کہا کہ اسٹیٹ بینک نے یکم جولائی سے پین سے لکھی تحریر کے حامل کرنسی نوٹوں کے ناقابل استعمال ہونے پر کوئی اعلامیہ جاری نہیں کیا۔ ذرائع کے مطابق مختلف سوشل میڈیا پلیٹ فارمز اور واٹس ایپ گروپس میں خبر گردش کر رہی ہے کہ اسٹیٹ بینک نے نوٹوں پر قلم سے کوئی بھی تحریر لکھنے پر پابندی لگا دی ہے۔ خبر میں دعویٰ بھی کیا گیا کہ نئے مالی سال 26ـ2025 کے آغاز پر یکم جولائی سے جس نوٹ پر قلم کی لکھائی موجود ہوگی، وہ نوٹ قابل قبول نہیں ہوگا۔
