• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شہباز شریف کا ایران کے صدر مسعود پیز شکیان سے ٹیلیفونک رابطہ

آج کا اخبار
اہم خبریں
18 مئی ، 2025
اسلام آ باد (نمائندہ جنگ) وزیر اعظم شہباز شریف کاایران کے صدرمسعود پیز شکیان سے ٹیلیفونک رابطہ،وزیر اعظم نے جنوبی ایشیا میں کشیدگی کم کرنے کیلئے ایران کی مخلصانہ اور برادرانہ سفارتی کوششوں پر شکریہ ادا کیا ،ایرانی صدر کی کشیدگی دوران شہریوں کےجانی ضیاع پر دلی تعزیت ،شہباز نے تہران کے دورے کی دعوت قبول کرلی ،گفتگو کے دوران وزیراعظم نے سپریم لیڈر آیت اللہ خامنہ ای کیلئے نیک خواہشات کا اظہار کیا اور جنوبی ایشیا میں کشیدگی کو کم کرنے کے لیے ایران کی مخلصانہ اور برادرانہ سفارتی کوششوں پر صدر پیزشکیان کا شکریہ ادا کیا۔ وزیرِ اعظم نے بالخصوص ایرانی صدر کے گزشتہ ماہ وزیراعظم سے ٹیلی فونک رابطے اور بحران کے دوران وزیر خارجہ عباس عراقچی کو خطے میں بھیجنے پر شکریہ ادا کیا۔ ایران کے صدر نے حالیہ کشیدگی کے دوران شہریوں کی جانوں کے ضیاع پر دلی تعزیت کا اظہار کیا، ایرانی صدر نے وزیراعظم کو تہران کے سرکاری دورے کی دعوت دی جسے وزیرِ اعظم نے قبول کیا۔ وزیر اعظم نے کہا کہ پاکستان کی بہادر مسلح افواج نے دشمن کو ذمہ دارانہ اور منہ توڑ جواب دیا ہے ،پاکستان ہمیشہ امن کا خواہاں ہے اور اسی جذبے کے تحت اس نے بھارت کے ساتھ جنگ ​​بندی مفاہمت پر اتفاق کیا اور اسے برقرار رکھنے کے لیے پرعزم رہے گا۔ انہوں نے پاکستان کی خودمختاری اور علاقائی سالمیت کے ہر قیمت پر دفاع کرنے کے پختہ عزم کا اعادہ کیا۔
اہم خبریں سے مزید