• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایڈیشنل چیف انجینئر گرڈسسٹم کنسٹرکشن کا کوٹ ادو تا کوٹ سلطان ٹرانسمیشن لائن منصوبے کا دورہ

میرا شہر
ملتان
21 مئی ، 2025
ملتان (سٹاف رپورٹر)ایڈیشنل چیف انجینئر گرڈسسٹم کنسٹرکشن میپکو سید محمد مبشررضوی نے کوٹ ادو تا کوٹ سلطان 500کے وی ٹرانسمیشن لائن منصوبے کے سلسلے میں درپیش رائٹ آف وےکے مسائل کا جائزہ لینے کے لئے سائٹ کا دورہ کیا۔ دورے کے دوران افسران نے منصوبے کے متاثرہ مقامات کا تفصیلی معائنہ کیا اور مقامی سطح پر پیش آنے والی رکاوٹوں اور مسائل کا بغور جائزہ لیا۔ اس موقع پر متعلقہ فیلڈ سٹاف بھی موجود تھا جنہوں نے افسران کو مختلف مقامات پر درپیش رائٹ آف وے کے معاملات سے آگاہ کیا۔ایڈیشنل چیف انجینئر نے موقع پر موجود افسران کو ہدایت دی کہ وہ تمام اسٹیک ہولڈرز سے مربوط روابط قائم کرتے ہوئے فوری طور پر مسائل کا حل نکالیں تاکہ منصوبے کی بروقت تکمیل ممکن ہو سکے۔
ملتان سے مزید