• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

فوڈ اتھارٹی کا غیر معیاری مشروبات کیخلاف کریک ڈاؤن تیز

میرا شہر
پشاور
21 مئی ، 2025
پشاور ( وقائع نگار) وزیر خوراک ظاہر شاہ طورو کی خصوصی ہدایات پر خیبر پختون خواہ فوڈ سیفٹی اینڈ حلال فوڈ اتھارٹی نے گرمی کی شدت بڑھتے ہی مضر صحت غیر معیاری اور جعلی کولڈ ڈرنکس اور مشروبات کے خلاف گھیرا تنگ کردیا اور گزشتہ روز فوڈ سیفٹی ٹیموں نے پشاور اور صوابی میں غیر معیاری اور جعلی مشروبات کی بڑی کھیپ پکڑلی ترجمان فوڈ سیفٹی اتھارٹی نے تفصیلات جاری کی اور بتایا کہ فوڈ سیفٹی ٹیم کو خفیہ اطلاع ملتے ہی رات گئے جی ٹی روڈ پر ناکہ بندی کی اور خوردونوش اشیاء کی انسپکشن کے دوران ایک گاڑی سے 1700 لیٹرز جعلی مشروبات برآمد کرکے ضبط کر لیا، دوسری طرف صوابی فوڈ سیفٹی ٹیم نے بھی مانیری بازار میں ڈسٹری بیوشن یونٹس ، ہول سیلرز اور کریانہ اسٹورز کی چیکنگ کی اور ایک ہول سیلر سے 850 لیٹرز غیر معیاری کولڈ ڈرنکس جبکہ دوسرے سے 540 لیٹرز غیر معیاری جوس پکڑ کر بحق سرکار ضبط کر لیا گیا،مزید تفصیلات میں بتایا گیا کہ فوڈ سیفٹی ایکٹ کے تحت مالکان پر بھاری جرمانے عائد کرکے مزید قانونی کاروائی کا آغاز بھی کردیا گیا ڈائریکٹر جنرل فوڈ اتھارٹی واصف سعید نے فوڈ سیفٹی ٹیموں کو کامیاب کارروائیوں پر سراہا اور واضح کیاکہ جعلی مشروبات میں ملوث افراد کیخلاف سخت قانونی کارروائی کی جائے گی اور ایسے عناصر کا صوبے سے خاتمہ کرکے شہریوں کی صحت کا تحفظ ھر صورت یقینی بنایا جائے گا
پشاور سے مزید