فرمان الہی
نماز کے اوقات
کراچی ( اسٹاف رپورٹر ) سندھ ہائی کورٹ کے جسٹس محمد اقبال کلہوڑو کی سربراہی میں دو رکنی بینچ نے چیئرمین انٹرمیڈیٹ بورڈ سکھر رفیق احمد کے خلاف انکوائری کے خلاف درخواست پر حکام کو قانون کے مطابق انکوائری جاری رکھنے کی ہدایت کردی، در خواست کی سماعت پر عدالت نے ریمارکس دیئے کہ چیئرمین انٹرمیڈیٹ بورڈ سکھر کو 2 سال کیلئے کنٹریکٹ پر بھرتی کیا گیا تھا کیا یہ ہمیشہ کیلئے بورڈ سے چپکے رہنا چاہتے ہیں ، جسٹس محمد اقبال کلہوڑو نے ریمارکس دیئے کہ صرف کرپشن کرنے کیلئے بیٹھے ہیں، قوم کیلئے کیا خدمت کر رہے ہیں کیا ہمیں نہیں پتا؟ تعلیم کا کیا حال کردیا گیا ہے، ہمیں پتا ہے کیسے ایجنٹ آتے ہیں بچوں کو کہتے ہیں کہ کونسا گریڈ چاہئے۔ ، وکیل نے کہا کہ درخواست گزار کے خلاف غیر قانونی انکوائری کی گئی ہے، عدالت نے درخواست گزار کے وکیل سے مکالمہ کرتے ہوئے کہا کہ اگر آپ کیس چلانا چاہتے ہیں تو ہم پہلے کمشنر کو انکوائری کی ہدایت کریں گے ۔
