• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پنجاب پولیس کے ملازمین اور انکے اہل خانہ کے علاج معالجے کیلئے مزید 23 لاکھ 67 ہزار روپے فنڈز جاری

میرا شہر
اسلام آباد
22 مئی ، 2025
راولپنڈی (سٹاف رپورٹر) پنجاب پولیس کے ملازمین اور انکے اہل خانہ کے علاج معالجے کیلئے مزید 23 لاکھ 67 ہزار روپے فنڈز جاری کر دیئے گئے۔ ترجمان پنجاب پولیس کے مطابق ڈی ایس پی سیف اللہ کو کڈنی ٹرانسپلانٹ کیلئے 10 لاکھ روپے، ریٹائرڈ سب انسپکٹر بلال ترین کو جگر کے کینسر کے علاج کیلئے 5 لاکھ روپے دئیے گئے۔ٹریفک وارڈن علی شاہد کو بیوی کی میجر سرجری کیلئے اڑھائی لاکھ روپے، جونیئر کلرک علی عباس کو بیوی کے برین ٹیومر کے علاج کیلئے اڑھائی لاکھ روپے،سابق آفس سپرنٹنڈنٹ عمران علی مرحوم کی بیوہ اور کانسٹیبل نادر علی کو علاج معالجے کیلئے ایک ،ایک لاکھ روپے دئیے گئے،کانسٹیبل عابد علی، ریٹائرڈ کانسٹیبل محمد سرور اور خاکروب محمد سلیم کو علاج معالجے کیلئے مجموعی طور پر ایک لاکھ 67 ہزار روپے دئیے گئے۔ ترجمان پنجاب پولیس نے بتایا کہ آئی جی پنجاب نے میڈیکل فنانشل اسسٹنس کمیٹی کی سکروٹنی کے بعد فنڈ اجراء کی منظوری دی۔ ڈاکٹر عثمان انورنے کہا کہ مختلف اداروں کے ساتھ ایم او یوز کے تحت بھی ملازمین کو علاج معالجے کی بہترین سہولیات فراہم کر رہے ہیں۔
اسلام آباد سے مزید