• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

صفا کوئٹہ پراجیکٹ کے محنت کشوں پر تشدد اور انہیں زخمی کرنے کیخلاف مظاہرہ

میرا شہر
کوئٹہ
30 مئی ، 2025
کوئٹہ(اسٹاف رپورٹر)یونائیٹڈ ورکرز فیڈریشن کے زیراہتمام کوئٹہ صفا پراجیکٹ کے محنت کشوں پر تشدد اور انہیں زخمی کرنے کے خلاف جمعرات کو صدر علی بخش جمالی ، پیرمحمد کاکڑ ، چیف آرگنائزر شمس خلجی ، حاجی سیف اللہ ترین ، عزیز احمد سارنگزئی ، اقبال بادینی ، ہدایت درویش ، نظام سارنگزئی ، اللہ بخش کرد و دیگر کی قیادت میں کوئٹہ پریس کلب کے سامنے احتجاجی مظاہرہ کیا گیا ، اس موقع پر مظاہرین نے بینرز اور پلے کارڈ اٹھا رکھے تھے اور واقعے کے خلاف نعرئے بازی کررہے تھے ۔ مظاہرئے سے خطاب کرتے ہوئے مقررین نے کہا کہ غریب محنت کشوں پر تشدد قابل مذمت ہے ، کمزور اور غریب طبقے پر ہاتھ اٹھانا بلوچستان کے روایات کے خلاف ہے ، بے روز گار نوجوان انتہائی کم اجرت میں کوئٹہ کو صاف کرنے کا مشکل کام انجام دے اور کوئٹہ کے باسیوں کو صاف ستھرا ماحول فراہم کرنے کی کوشش کررہے ۔ نہ انہیں معقول اجرت مل رہی ہے نہ ہی ملازمت کا تحفظ حاصل ہے ، دوسری جانب ایسے واقعات سے نہ صرف محنت کش اپنے آپ کو غیرمحفوظ سمجھتے ہیں بلکہ اس واقعے سے کوئٹہ کے محنت کشوں میں اضطراب پایا جاتا ہے ۔ انہوں نے حکومت سے مطالبہ کیا کہ واقعہ میں ملوث ملزمان کو قانون کے مطابق سزا دی اور محنت کشوں کو دوران کام تحفظ فراہم کیا جائے ۔ واقعے میں زخمی محنت کشوں کا حکومت یا ٹھیکیدار کی جانب سے علاج کرایا جائے اور تندرست ہوکر کام پر واپس آنے تک ان کی تنخواہیں جاری رکھی جائیں ۔
کوئٹہ سے مزید