فرمان الہی
نماز کے اوقات
آپ کے مسائل اور اُن کا حل
سوال: دو آدمی ہیں، دونوں اشاروں سے نماز پڑھتے ہیں، سجدہ بھی اشاروں سے کرتے ہیں، جب امام موجود نہ ہو تو وہ دونوں معذور جماعت کرواسکتے ہیں؟
جواب: واضح رہےکہ امامت کے لیےشرط یہ ہےکہ امام کی حالت مقتدیوں کی حالت سے بہتر ہو یاکم ازکم برابر ہو، صورتِ مسئولہ میں چوں کہ مذکورہ دونوں حضرات ایسے معذور ہیں کہ اچھی طرح رکوع اور سجدے پر بھی قادر نہیں ہیں، تو اس طرح کے لوگ ایسے لوگوں کی امامت ہرگز نہیں کرسکتے، جو صحت مندہوں اور رکوع، سجدےپہ مکمل قادر ہوں، ہاں البتہ ایسے معذور لوگ اپنے جیسوں کی یا ان سے بھی زیادہ معذور یعنی جو بیٹھ کر بھی نماز پڑھنے پر قادر نہ ہوں کی امامت کرسکتےہیں۔ (البنایہ شرح الہدایہ، کتاب الصلاۃ، باب الامامۃ، ج:2، ص:363، ط:دار الکتب العلميۃ - العنایہ شرح الہدایہ، کتاب الصلاۃ، باب الامامۃ، ج:1، ص371، ط:دارالفکر، بيروت)
