• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ڈپٹی کمشنر کوئٹہ یتیم بچوں کیساتھ ہنہ جھیل گئے، کشتی کی سیر، گیمز کا انعقاد

میرا شہر
کوئٹہ
10 جون ، 2025
کوئٹہ ( اسٹاف رپورٹر) ڈپٹی کمشنر کوئٹہ کیپٹن (ر)مہراللہ بادینی نے کہا ہے کہ عید، خوشیوں اور محبتیں باٹنے کا دن ہےیہ صرف اپنوں کے ساتھ نہیں بلکہ ان بچوں کے ساتھ بھی منانے کا تقاضا کرتا ہے جو ہمارے معاشرے میں خصوصی توجہ کے مستحق ہیں، ان خیالات کا اظہار انہوں نے عید کے دوسرےدن ایس او ایس ویلیج کے یتیم بچوں کے ساتھ گزارنے کے موقع پر بات چیت کرتے ہوئے کیا۔ اس موقع پر اسسٹنٹ کمشنر صدر کے ہمراہ یتیم بچوں کو تفریحی پکنک پر ہنہ جھیل لے کر گئے، جہاں بچوں نے کشتی رانی (بوٹنگ) اور دیگر دلچسپ سرگرمیوں میں بھرپور حصہ لیا۔ بچوں کے چہروں پر خوشی اور مسکراہٹ ان کے دل کی کیفیت کی عکاسی کر رہی تھی جو اس دن کو ان کے لیے یادگار بنا گئی۔اس موقع پر مختلف تفریحی پروگرام اور گیمز کا بھی انعقاد کیا گیا، جن میں ڈپٹی کمشنر اور اسسٹنٹ کمشنر صدر نے بھی شرکت کی اور بچوں کے ساتھ وقت گزارا۔ یہ دن بچوں کے لیے نہ صرف خوشیوں بھرا تھا بلکہ اس پیغام کا مظہر بھی تھا کہ وہ اکیلے نہیں بلکہ پورا معاشرہ ان کے ساتھ کھڑا ہے۔ڈپٹی کمشنر کوئٹہ نے اپنے خصوصی پیغام میں کہا کہ یتیم بچوں کے ساتھ وقت گزارنا نہ صرف ہماری اخلاقی بلکہ سماجی ذمہ داری بھی ہے۔ ہمیں چاہیے کہ ہم معاشرے کے ہر بچے کو محبت اور توجہ دیں تاکہ وہ بھی خود کو بااعتماد اور محفوظ محسوس کریں۔
کوئٹہ سے مزید