• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

متعلقہ ادارے محرم سے قبل جلوس روٹس اور دیگر انتظامات مکمل کریں، مجلس وحدت مسلمین

میرا شہر
ملتان
13 جون ، 2025
ملتان( سٹاف رپورٹر) مجلس وحدت مسلمین عزاداری ونگ جنوبی پنجاب کے صوبائی صدر و ممبر ڈویژنل امن کمیٹی ملتان انجینئر مہر سخاوت علی سیال نے کہا ہے کہ محرم الحرام کے دوران ملک بھر میں امن و امان کے قیام میں پوری قوم سیکیورٹی نافذ کرنے والے اداروں کے ساتھ کھڑی ہے، کسی شرپسند کو اجازت نہیں دیں گے وہ ماحول کو خراب کرے، محرم الحرام سے قبل تمام انتظامی ادارے جلوس روٹس، مجالس کی سیکیورٹی اور دیگر انتظامات کو مکمل کریں، ان خیالات کا اظہار اُنہوں نے ملتان میں منعقدہ عزاداری ونگ کے اجلاس سے خطاب کرتے ہوئے کیا۔ انجینئر سخاوت علی سیال نے کہا کہ ملتان امن کا گہوارہ ہے اس کے امن کو کسی شرپسند کے ہاتھوں خراب نہیں ہونے دیں گے۔ اجلاس میں ایڈووکیٹ عون رضا انجم گوپانگ، محمد رضا جعفری، علی سبطین جعفری، سید غدیر عباس شیرازی، احسن مہدی، صفدر حسین خان، عامر عباس بھٹہ اور دیگر شریک تھے۔
ملتان سے مزید