• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ریڈیو پاکستان کے ریٹائرڈ ملازمین کمیوٹیشن اور میڈیکل الانسز سے محروم

میرا شہر
پشاور
17 جون ، 2025
پشاور(آئی این پی ) ریڈیو پاکستان کے ریٹائرڈ ملازمین نے اپنے پنشن کے کمیوٹیشن کو طویل عرصے تک روکے جانے پر صدر اور وزیر اعظم پاکستان کے ساتھ ساتھ وزارت اطلاعات و نشریات اور ریڈیو پاکستان کی انتظامیہ سے فوری اپیل کی ہے۔ریٹائرڈ افراد کی فلاح و بہبود کے لیے ایسوسی ایشن کی طرف سے ایک اجتماعی اپیل میں، سینئر پنشنرز نے کہا کہ وہ گزشتہ چھ سالوں سے 2004کے مالی سال کے بجٹ میں اعلان کردہ پنشن میں 15فیصد اضافے کے ساتھ ساتھ کمیوٹیشن اور میڈیکل الانسز سے بھی محروم ہیں۔ انہوں نے زور دے کر کہا کہ بار بار درخواستوں کے باوجود ان کے جائز واجبات جاری نہیں کیے گئے۔ریٹائر ہونے والوں نے سال 2024 کے لیے پنشن میں نئے اعلان کردہ 15% اضافے کے ساتھ ساتھ زیر التوا کمیوٹیشن اور میڈیکل الانس کی فوری تقسیم کا مطالبہ کیا ہے۔ پنشنرز نے خبردار کیا کہ اگر ہمارے دیرینہ مطالبات پورے نہ کیے گئے،" "ہمارے پاس بھوک ہڑتال کے علاوہ کوئی چارہ نہیں بچے گا۔"گروپ نے حکومت پر زور دیا کہ وہ بزرگ پنشنرز کے لیے انصاف کو یقینی بنانے کے لیے فوری کارروائی کرے جنہوں نے ریڈیو پاکستان کے ذریعے قوم کی خدمت کی۔
پشاور سے مزید