• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان عالمی سیاحت کا مرکز بن رہا ہے، فیصل کریم کنڈی

میرا شہر
اسلام آباد
29 جون ، 2025
اسلام آباد (آئی این پی )گورنر خیبر پختونخوا فیصل کریم کنڈی نے کہا ہے کہ پاکستان تیزی سے عالمی سیاحت کا مرکز بن رہا ہے۔ وہ گلوبل ٹورازم ایکسپو 2025 کی افتتاحی تقریب سے خطاب کر رہے تھے۔ اس ایکسپو کے تحت قومی اور بین الاقوامی سیاحت کے اسٹیک ہولڈرز کو ایک چھت کے نیچے اکٹھا کیا گیا۔ تقریب کا مقصد سیاحت کے ذریعے عالمی سفر، ثقافتی تبادلے اور اقتصادی تعاون کو فروغ دینا ہے۔ گلوبل ٹورازم ایکسپو کا افتتاح گورنر فیصل کریم کنڈی، صدر اسلام آباد ڈویلپرز ایسوسی ایشن سردار یاسر الیاس خان، رکن قومی اسمبلی انجم عقیل خان اور منیجنگ ڈائریکٹر پی ٹی ڈی سی رانا آفتاب سمیت اہم شخصیات نے کیا۔ گورنر فیصل کریم کنڈی نے کہا کہ پاکستان تیزی سے سیاحت کا عالمی مرکز بن رہا ہے۔ انہوں نے خاص طور پر خیبرپختونخوا میں ملکی اور بین الاقوامی سیاحوں کی بڑھتی ہوئی تعداد کو ایڈجسٹ کرنے کے لیے حکومت کے عزم کی ضرورت پر زور دیا۔ ایکسپو 2025 سیاحت کے پیشہ ور افراد، حکومتی اداروں اور مسافروں کو نیٹ ورک، تعاون اور نئے افق کی تلاش کے لیے ایک پلیٹ فارم فراہم کرتا ہے۔ یہ ایونٹ 29 جون تک جاری رہے گا۔
اسلام آباد سے مزید