فرمان الہی
نماز کے اوقات
کراچی ( اسٹاف رپورٹر)سندھ بلڈنگ کنٹرول اتھارٹی کی جانب سے انتہائی مخدوش حالت خطرناک عمارتوں کو مکینوں سے خالی اور سیل کرنے کےسلسلے میں ڈائریکٹرجنرل سندھ بلڈنگ کنٹرول اتھارٹی شمشیر بھٹو کی ہدایات پر ماہر تعمیراتی انجینئرز پر مشتمل ایس بی سی اے کی کمیٹی برائے خطرناک عمارات کا مسلسل سروے جاری ہے، کمیٹی کی جانب سے ڈسٹرکٹ ساؤتھ کے متعلق پیش کردہ رپورٹس کے مطابق قومی تاریخی ورثہ میں شامل 10عمارتوں سمیت 59عمارتوں کو انتہائی خطرناک قرار دیاگیاہے یہ عمارتیں اولڈ ایریا کے علاقے آرام باغ،لارنس کوارٹرز، نیپیئر کوارٹرز، صدر بازار، تلہ رام کوارٹرز اور اولڈ ٹاؤن میں واقع ہیں، قیمتی انسانی جانوں کے تحفظ کے لئے پہلے مرحلے میں اس زمرے کی 41عمارتوں کو اب تک مکینوں سے فوری طور پرخالی کرواکر سیل کیا جاچکا ہے، مزیدعمارتوں کو مقامی انتظامیہ کی مدد سے خالی کروانے کا سلسلہ جاری ہے جبکہ اگلے مرحلے میں ان پر انہدامی عمل کے معاملے میں پیش رفت جاری ہے اس حوالے سے ایس بی سی اے نے انسانی ہمدردی کی بنیاد پر عوام سے اپیل کی ہے کہ شہرکے گنجان آباد علاقوں میں اندورونی یابیرونی طور پر مخدوش،خستہ حالت یاتعمیراتی نقائص کی حامل عمارتوں کی نشاندہی کریں شہری کسی وقت بھی ایس بی سی اے پورٹل پراطلاع رجسٹرڈ کروا سکتے ہیں جبکہ متوقع بارشوں کے پیش نظرایس بی سی اے میں رین ایمرجنسی قائم ہے جس میں تیکنیکی عملہ ہفتے کے ساتوں دن 24گھنٹے موجود ہے۔
