• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بھارت کی پانی بند کرنے کی دھمکیاں، حفاظتی اقدامات شروع کردیئے، چیئرمین واپڈا

آج کا اخبار
اہم خبریں
20 جولائی ، 2025
اسلام آباد (آئی این پی)چیئرمین واپڈا نوید اصغر چوہدری نے انکشاف کیا ہے کہ بھارت کی جانب سے پاکستان کا پانی بند کرنے کی سنگین دھمکیاں دی جا رہی ہیں، جس کے پیش نظر پاکستان نے پیشگی حفاظتی تیاریاں شروع کر دی ہیں۔ ایک انٹرویو کے دوران چیئرمین واپڈا نے بتایا کہ دریائے چناب پر پانی ذخیرہ کرنے کے لیے نیا ڈیم تعمیر کیا جائے گا تاکہ بھارت کے ممکنہ آبی حملے کا موثر جواب دیا جا سکے۔ یہ ڈیم ضلع چنیوٹ کے قریب تعمیر کیا جائے گا اور اس کا مقصد نہ صرف پانی کا ذخیرہ بڑھانا ہے بلکہ قومی آبی سلامتی کو بھی یقینی بنانا ہے۔نوید اصغر چوہدری کا کہنا تھا کہ واپڈا ملک کے آبی وسائل کے تحفظ کے لیے ہمہ وقت متحرک ہے، اور موجودہ علاقائی حالات کے پیش نظر ڈیمز کی تعمیر ناگزیر ہو چکی ہے۔
اہم خبریں سے مزید