فرمان الہی
نماز کے اوقات
ترکیہ میں روس اور یوکرین کے درمیان مذاکرات کا تیسرا دور شروع ہو گیا۔
روسی خبر ایجنسی کے مطابق استنبول میں روس یوکرین وفود کے درمیان بات چیت کا آغاز ہوگیا ہے۔ روسی اور یوکرینی وفود کے سربراہان نے ون آن ون ملاقات بھی کی۔
مذاکرات شروع ہونے سے پہلے ترک وزیرِ خارجہ نے میڈیا سے گفتگو میں کہا کہ امید ہے فریقین تبادلہ کیے گئے میمورنڈم پر نتیجہ خیز بات چیت کریں گے۔
انہوں نے کہا کہ ہمارا مقصد خون ریز جنگ کو جلد سے جلد ختم کرانا ہے۔
اس سے پہلے یوکرینی وفد نے انقرہ میں ترک صدر اردوان سے ملاقات کی۔
یوکرینی حکام کا کہنا ہے کہ یوکرین امن اور مکمل جنگ بندی کے لیے اہم اقدامات کرنے کے لیے تیار ہے۔
