فرمان الہی
نماز کے اوقات
کراچی (عبدالماجد بھٹی) ایشین کرکٹ کونسل کا اجلاس جمعرات کو ڈھاکا میں چیئرمین محسن نقوی کی صدارت میں ہوگا۔ اس دوران ایشیا کپ کے مستقبل کے حوالے سے اہم فیصلے کا امکان ہے۔ بھارت اور سری لنکا کے نمائندے ڈھاکا نہ پہنچ سکے۔ محسوس ہورہا ہے کہ بھارت اے سی سی میں تنہا ہوگیا ہے کیوں کہ ذرائع کے مطابق ٹورنامنٹ ستمبر میں پروگرام کے مطابق ہونے کا امکان ہے۔ بھارتی میڈیا کا کہنا ہے کہ بی سی سی آئی کے نائب صدر راجیو شکلا سالانہ اجلاس میں آن لائن شریک ہوں گے۔ اے سی سی ذرائع کے مطابق سری لنکا بورڈ کے صدر شمی ڈی سلوا علیل ہیں اور وہ بھی آن لائن شریک ہوں گے۔ افغانستان اور عمان کے بارے میں اطلاعات ہیں کہ وہ میٹنگ میں شریک ہوں گے۔ افغانستان بورڈ کے نمائندے رات کو ڈھاکا پہنچ رہے ہیں۔ ایشیا کپ کا میزبان بھارت ہے لیکن یواے ای میں میزبانی کے حوالے سے غیر یقینی صورتحال سے دوچار ہے۔ محسن نقوی بدھ کو ڈھاکا پہنچ گئے۔
