• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی اسلام آباد میں 67 وارداتیں، کروڑوں روپے لوٹ لیے گئے

میرا شہر
اسلام آباد
26 جولائی ، 2025
اسلام آباد (ایوب ناصر ، خصوصی نامہ نگار) راولپنڈی اسلام آباد میں ڈکیتی ،سرقہ بالجبر ، نقب زنی اور چوری کی 67 وارداتوں میں کروڑوں روپے مالیت کے زیورات ، نقدی اور دیگر قیمتی سامان کے علاؤہ ایک کار ،ایک رکشہ ، 23 موٹر سائیکل ، 25 موبائل فونز اڑا لئے گئے، دو موٹر سائیکل 5 موبائل فونز اور لاکھوں کی نقدی اسلحہ کی نوک پر جبکہ 4 موبائل فونز جھپٹا مار کر چھین لئے گئے، جڑواں شہروں میں 29 گھروں کے تالے ٹوٹ گئے اور چور ایک کروڑ روپے سے زائد مالیت کے سونے کے زیورات اور نقدی لے کر چلتے بنے، تھانہ گوجر خان کے علاقے موہڑہ میں شہباز کے گھر سے 50 لاکھ روپے مالیت کے زیورات ، سعودی ریال ، موبائل فون اور نقدی چوری کر لی گئی ، تھانہ کہوٹہ کے علاقے محلہ بحریہ میں ساجد کے گھر سے 20 لاکھ روپے مالیت کے زیورات اور نقدی ، تھانہ چکلالہ کے علاقے ایئرپورٹ سوسائٹی میں نوشابہ کے گھر سے 1 لاکھ 20 ہزار روپے ،تھانہ نیو ٹاؤن خرم کے گھر سے تین لاکھ ، تھانہ ریس کورس فیضان کے گھر سے ایک لاکھ ،تھانہ چکلالہ وسیم اقبال ڈیرھ لاکھ روپے چوری کر لئے گئے ، پولیس نے مقدمات درج کر کے تفتیش شروع کردی ہے ۔
اسلام آباد سے مزید