فرمان الہی
نماز کے اوقات
اسلام آ باد ( رانا غلام قادر)کراچی کے شہری ملک میں سب سے مہنگا آٹا خریدنے پرمجبور ہیں جہاں آٹےکا بیس کلو کا تھیلا ایک ہزار آٹھ سو روپے تک میں فروخت ہورہا ہے،شہر قائد میں بیس کلو آٹے کا تھیلا ملک کے باقی بڑے شہروں کے مقابلے میں چار سو چالیس روپے تک مہنگا ہے۔ ادارہ شماریات کی دستاویز کے مطابق کراچی میں 20 کلو آٹے کا تھیلا لاہور کے مقابلے میں 420 روپے اور پشاور کے مقابلے میں300 روپے تک مہنگا ہے۔دستاویز کے مطابق اسلام آباد، راولپنڈی اور کوئٹہ کے مقابلے میں کراچی میں آٹے کا 20 کلو تھیلا 200 روپےتک مہنگا ہے جبکہ سکھر کے مقابلے میں کراچی میں آٹے کا 20 کلو کا تھیلا 440 روپے تک مہنگا ہے۔دستاویز کے مطابق اسلام آباد اور راولپنڈی میں آٹے کے 20 کلو تھیلے کی قیمت 1600 روپے تک ہے، لاہور 1380،فیصل آباد، گوجرانوالہ میں 1400روپے، سیالکوٹ 1427 جبکہ سرگودھا،ملتان اور بہاولپور میں آٹے کا 20کلو کا تھیلا 1467روپے تک فروخت ہو رہا ہے۔دستاویز کے مطابق 20 کلو آٹے کا تھیلا حیدر آباد میں 1680، سکھر میں 1360روپے، لاڑکانہ اور پشاور 1500روپے، بنوں1400جبکہ کوئٹہ اورخضدار میں آٹےکا 20 کلو کا تھیلا 1600روپے تک ہے۔
