• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خیبر پختونخوا ایتھلیٹکس ایسوسی ایشن کا قومی اتھلیٹکس چیمپئن شپ منعقد کرنے کا اعلان

میرا شہر
پشاور
30 جولائی ، 2025
پشاور(خصوصی نامہ نگار) خیبر پختونخوا اولمپک ایسوسی ایشن نے اسی سال نومبر میں قومی جونیئر اور یوتھ اتھلیٹکس چیمپئن شپ منعقد کرنے کا اعلان کر دیا۔ یہ اعلان ایسوسی ایشن کے اجلاس میں کیا گیا جو صدر سید ظہیر الاسلام شاہ کی صدارت میں منعقد ہوا جس میں جنرل سیکرٹری انجینئر سیف الاسلام آفریدی، محمد اقبال، مشرف خان ،کابینہ کے دیگر اراکین، مختلف اضلاع کے صدور اور جنرل سیکرٹریز، کوچز اور ڈائریکٹوریٹ آف اسپورٹس خیبر پختونخوا کے نمائندے شریک ہوئے۔اجلاس میں چیمپئن شپس کیلئے پانچ رکنی کمیٹی تشکیل دی گئی جو ڈائریکٹوریٹ سپورٹس اور اتھلیٹکس فیڈریشن کیساتھ چمپئین شپ کو منعقد کرنے کیلئے اقدامات کرے گی۔اجلاس میں ہر ضلع کی سطح پر اتھلیٹکس اکیڈمیز قائم کرنے، کھلاڑیوں کو قومی و عالمی سطح پر متعارف کرانے کیلئے ویب سائٹ بنانے کا فیصلہ کیا گیا جس پرتمام موجودہ اتھلیٹس، سینئرز ، کوچز و آفیشلز کا ڈیٹا اپلوڈ کیا جائے گا اور ان کی سپانسرز تک رسائی ممکن بنائی جائے گی۔ کوچز کو مزید مراعات دینے اور ان کی مہارت میں اضافہ کرنے کے لیے ٹریننگ کورسز کا اہتمام کیا جائے گا۔ اجلاس میں سکول سطح پر کڈز اتھلیٹکس ایونٹس اور کوچنگ شروع کرنے پر اتفاق ہوا۔
پشاور سے مزید