• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور میں ادارہ شماریات اور اقوام متحدہ کے اشتراک سے ورکشاپ

میرا شہر
پشاور
31 جولائی ، 2025
پشاور(جنگ نیوز)پاکستان ادارہ شماریات (پی بی ایس) اور اقوام متحدہ کا فنڈ برائے آبادی (یو این ایف پی اے) کے اشتراک سے پشاور کے مقامی ہوٹل میںڈیٹا کی تشریح اور استعمال کے موضوع پر تربیتی ورکشاپ بدھ کو بھی جاری رہی۔ ورکشاپ کا مقصد ڈیٹا پر مبنی منصوبہ بندی اور فیلصلہ سازی کو فروغ دینا ہے تاکہ ادارہ شماریات کے ڈیٹابینک سے مؤثر اور بھرپور استفادہ کیا سکے۔ورکشاپ کے دوسرے روز شرکاء کو نیشنل اکاؤنٹس، لیبر فورس، اکنامک مردم شماری، موضع شماری اور زراعت شماری کے ذریعے شواہد پر مبنی پالیسی سازی میں ڈیٹا کے کردار پر بریفنگ دی گئی۔ اس موقع پر پاکستان ادارہ شماریات کی جانب سے متحرک ڈیش بورڈز کی لائیو پیشکش بھی کی گئی جس میں بصری شماریات، انڈیکیٹرز اور تاریخی ڈیٹا سیریز کو مؤثر انداز میں پیش کیا گیا۔شرکاء نے عملی مشقوں کے ذریعے سیکھا کہ پالیسی سازی میں ڈیٹا کو کیسے مؤثر انداز میں استعمال کیا جا سکتا ہے اور ڈیٹا کی راہ میں حائل چیلنجز سے کیسے نمٹا جائے۔
پشاور سے مزید