فرمان الہی
نماز کے اوقات
کراچی(اسٹاف رپورٹر)پاکستان شاہینز اور پروفیشنل کاؤنٹی کلب سلیکٹ الیون کے درمیان تین روزہ میچ ڈرا ہوگیا۔جمعرات کوفرسٹ سینٹرل کاؤنٹی گراؤنڈ ہوو میں میچ کے آخری روز جب کھیل بارش کی وجہ سے وقت سے پہلے ختم کرنا پڑا تو پاکستان شاہینز نے اپنی دوسری اننگز میں11اعشاریہ 5 اوورز کی بیٹنگ میں4 وکٹوں پر50رنز بنائے تھے۔ اذان اویس 5اور مبصرخان 4رنز پر ناٹ آؤٹ تھے۔ شامل حسین6 محمد سلیمان13عمیر بن یوسف 3اور حیدرعلی17رنز بناکر آؤٹ ہوئے۔ مچل اسٹینلے نے 30رنز دے کر تینوں وکٹیں حاصل کیں۔اس سے قبل میزبان ٹیم نے اپنی پہلی اننگز 288 رنز4 کھلاڑی آؤٹ پر شروع کی اور351رنز 7 کھلاڑی آؤٹ پر ڈکلیئر کردی۔اس طرح اسے پاکستان شاہینز پر 108 رنز کی برتری ملی۔کپتان لیوک بینکنسٹائن نے شاندار بیٹنگ کرتے ہوئے 32 چوکوں اور 2 چھکوں کی مدد سے197 رنز بنائے۔ انہوں نے بین میز کے ساتھ پانچویں وکٹ کی شراکت میں194رنز کا اضافہ کیا۔ بین میز8 چوکوں اور ایک چھکے کی مدد سے 67رنز بناکر آؤٹ ہوئے۔پاکستان شاہینز کی طرف سے میر حمزہ نے 39رنز دے کر 3 وکٹیں حاصل کیں۔ مشتاق احمد اور مہران ممتاز نے دو دو کھلاڑی آؤٹ کیے۔ پاکستان شاہینز دورے کا دوسرا تین روزہ میچ 3 اگست سے ساؤتھ ایشین کرکٹ اکیڈمی اینڈ ینگ ایم سی سی کرکٹرز کے خلاف کینٹر بری میں کھیلے گی۔
