فرمان الہی
نماز کے اوقات
اسلام آباد( تنویر ہاشمی ، کامرس رپور ٹر) قومی اسمبلی کی قائمہ کمیٹی صنعت و پیداوار نےیوٹیلیٹی اسٹورز کی بندش پر شدید تحفظات کا اظہار کرتے ہوئے وزارت صنعت و پیداوار سےملازمین کیلئے پیکچ سمیت بند ش کی جامع رپورٹ24 گھنٹوں میں طلب کر لی ،ارکان کمیٹی نے کہا کہ وفاقی وزیر نے اسمبلی فلور پر سٹورز کو بند نہ کرنے بارے غلط بیانی کی ، پارلیمنٹ کو دھوکے میں رکھاگیا ،سیکریٹری صنعت وپیداوارنے بتایا کہ یوٹیلٹی سٹورز سے سالانہ ساڑھے 8ارب نقصان تھا ، ملازمین کو گولڈن ہینڈ شیک پیکچ دیا جائیگا، کمیٹی نے وفاقی وزیر رانا تنویر کی جانب سے قومی اسمبلی میں یوٹیلٹی سٹورز بند نہ کرنے کے وعدے کے بعد سٹورز کو بند کرنے کے فیصلےپر شدید تحفظات کا اظہار کیا اور کہا کہ وفاقی وزیر نے اسمبلی فلور پر سٹورز کو بند نہ کرنے کے حوالے سے غلط بیانی کی، پارلیمنٹ کو دھوکے میں رکھاگیا ، قائمہ کمیٹی کا اجلاس سید حفیظ الدین کی زیر صدارت ہوا، پیپلز پارٹی کےر کن اعجاز جاکھرانی نے تحریک پیش کی کہ یوٹیلٹی سٹورز کے ہزاروں ملازمین 10روز سے دھرنا دیئے بیٹھے ہیں لیکن ان کے حوالے سے حکومت نے کوئی فیصلہ نہیں کیا ۔
