• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان دودھ پیدا کرنیوالا دنیا کا پانچواں بڑا ملک، فوڈ اینڈ ایگریکلچر آرگنائزیشن

میرا شہر
ملتان
04 اگست ، 2025
ملتان(سٹاف رپورٹر) پاکستان دودھ پیدا کرنے والا دنیا کا پانچواں بڑا ملک ہے، ملک میں دودھ کی سالانہ پیداوار6کروڑ50 لاکھ ٹن سالانہ ہے۔ فوڈ اینڈ ایگری کلچر آرگنائزیشن(ایف اے او) کی رپورٹ کے مطابق دودھ پیدا کرنےوالے دنیا کے پانچویں بڑے ملک کے طور پر پاکستان میں دودھ کی سالانہ پیداوار6.5 ملین ٹن ہے جس میں زیادہ تر پیداوار دیہی معیشت سے منسلک ’’لوٹیک‘‘ ڈیری فارمز سے حاصل ہوتی ہے۔پاکستان میں 15 ملین چھوٹے ڈیری فارمز دودھ کی پیداوار میں کلیدی حیثیت کے حامل ہیں جن کے پاس دو گائے اور بھینسیں ہیں۔ ایف اے او کے مطابق چھوٹے ڈیری فارمز پاکستان کی ڈیری اکانومی میں ریڑھ کی ہڈی کی حیثیت کے حامل ہیں۔ دوسری جانب ایف اے او کے مطابق پاکستان سمیت دیگر ترقی پذیر ممالک میں چھوٹے ڈیری فارمز سے حاصل دودھ کی پیداواری لاگت ترقی یافتہ ممالک کے ہائی ٹیک ڈیری فارمز کے مقابلے میں کہیں کم ہے جس کا بنیادی سبب جانوروں کے چارہ کی قیمت میں ہونے والا اضافہ ہے۔ایف اے او کے مطابق ترقی یافتہ ممالک کے ہائی ٹیک ڈیری فارمز میں اوسطاً 100 سے زیادہ گائے پالی جاتی ہیں، دودھ کی بھرپور پیداوار کےلئے جانوروں کو کمپاؤنڈ خوراک اور ونڈا وغیرہ کھلایا جاتا ہے۔ مزید برآں ہائی ٹیک فارمز میں جانوروں کی صحت پربھی اچھے خاصے اخراجات کئے جاتے ہیں۔ اس طرح خوراک اور صحت کے اخراجات کے نتیجہ میں ہائی ٹیک ڈیری فارمز کے دودھ کے پیداواری اخراجات میں اضافہ ہوتاہے۔
ملتان سے مزید