• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کےپی ،ایک سال میں 2937طبی مراکز رجسٹرڈ 1491کو سیل کردیا گیا

میرا شہر
پشاور
05 اگست ، 2025
پشاور (خصوصی نامہ نگار) خیبرپختونخوا ہیلتھ کیئر کمیشن نے سال2024-25میں 2937طبی مراکز رجسٹرکئے،1491طبی مراکز کو سیل کیا۔ترجمان ہیلتھ کیئر کمیشن عزم رحمان کے مطابق یکم جولائی 2024سے30 جون2025 تک صوبے بھر میں9100طبی مراکز کا معائنہ کیا گیا، کمیشن نے اس عرصے میں2397طبی مراکز رجسٹر جبکہ مختلف خلاف ورزیوں پر1491طبی مراکز کو سیل کیا ،2821طبی مراکز کومختلف کوتاہیوں اور معیار کو بہتر بنانے کے لئے حُکم جواز جاری کئے ، اسی طرح سال بھر میں 65طبی مراکزکومکمل جبکہ 344کو عبوری لائسنز جاری کئے گئے۔ سال 2024سے اب تک کمیشن نے24تربیتی پروگراموں کا اہتمام کیاجس میں صوبے بھر کے مختلف اضلاع کے طبی مراکز کے 486عملے کو ’’خدمات صحت کے معیار‘‘پر تربیت دی گئی۔ ترجمان کا کہنا ہے کہ کمیشن کو ایک سال میں مختلف طبی مراکز کے خلاف1111نئی شکایات موصول ہوئیں جن میں94فیصد کو حل کیا گیا اور صرف64 حل ہونا باقی ہیں۔ڈائریکٹرلیگل افیئرز مُحسن علی تُرک نے ایک سالہ کارکردگی پرعملے کو خراج تحسین پیش کرتے ہوئے کہا کہ صوبے کے عوام کو صحت کی سہولیات کی بہترین فراہمی کے لئے کمیشن کا عملہ پہلے سے زیادہ متحرک خدمات انجام دے رہا ہے۔
پشاور سے مزید