کراچی (اسٹاف رپورٹر) آئی ایم سی اوور فورٹی ٹی ٹوئنٹی کرکٹ ورلڈ کپ کی تاریخوں میں تبدیلی کر دی گئی ہے۔ اب ٹورنامنٹ اکیس نومبر سے یکم دسمبر تک کراچی میں ہوگا ۔ پاکستان ویٹرنز کرکٹ ایسوسی ایشن کے چیئرمین فواد اعجاز خان کے مطابق یہ فیصلہ چھ سے تیرہ دسمبر تک کراچی میں قومی گیمز کی وجہ سے کیا گیا ہے ۔ چیئرمین پی وی سی اے نے کہا کہایک ہی وقت میں دو بڑے ایونٹس کے انعقاد سے حکومت سندھ کو سیکیورٹی اور لاجسٹک کے حوالے سے شدید مشکلات کا سامنا ہو سکتا تھا۔