• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایرانی قونصل جنرل کی بلوچستان کے سرمایہ کاروں کو میر جاوا میں سرمایہ کاری کی دعوت

آج کا اخبار
اہم خبریں
10 اگست ، 2025
کوئٹہ(این این آئی)ایرانی قونصل جنرل کی بلوچستان کے سرمایہ کاروں کو میر جاوا میں سرمایہ کاری کی دعوت، ایرانی سرمایہ کار و صنعتکار پاکستانی سرمایہ کاروں کیساتھ جوائنٹ وینچر کیلئے بھی تیا رہیں، ایوان صنعت و تجارت میں اظہار خیال،کوئٹہ میں متعین قونصل ایران کے قونصل جنرل علی رضا رجائی اور زاہدان چیمبر آف کامرس اینڈ انڈسٹری کے صدر عبد الحکیم ریگی نے بلوچستان کے صنعتکاروں اور بزنس کمیونٹی کو میرجاوا کے بازارچہ فری ٹریڈ زون میں سرمایہ کاری کی دعوت دیتے ہوئے کہاہے کہ اس بابت ایران کے سرمایہ کار و صنعتکار پاکستانی سرمایہ کاروں کے ساتھ جوائنٹ وینچر کے لئے بھی ہمہ وقت تیار ہیں ۔پاکستان اور ایران کے مابین مقررہ تجارتی اہداف 10ارب ڈالر کا حصول باہمی تعاون میں پنہاں ہے۔کوئٹہ سے براستہ مشہد زاہدان تک فلائی سروس کی بحالی پر بلوچستان کی بزنس کمیونٹی مبارکباد کی مستحق ہیں۔ان خیالات کا اظہار انہوں نے گزشتہ روز ایوان صنعت و تجارت کوئٹہ بلوچستان،سمال چیمبر آف کامرس اینڈسمال انڈسٹریز ،پاک ایران چیمبر آف کامرس کے عہدیداران و ممبران سے اظہار خیال کرتے ہوئے کیا۔اس سے قبل چیمبر آف کامرس اینڈ انڈسٹری کوئٹہ بلوچستان کے صدر حاجی محمد ایوب مریانی ،نائب صدر انجینئر میر وائس خان کاکڑ کا کہنا تھا کہ ایوان صنعت و تجارت کوئٹہ بلوچستان روز اول سے ہمسائیہ ممالک کے ساتھ برادرانہ تجارتی تعلقات کے فروغ اور استحکام کیلئے کوشاں ہیں ہم سمجھتے ہیں کہ پاکستان اور ایران کو دوطرفہ طور پر ٹرانسپورٹ کے مسائل کے حل ساتھ ساتھ ایک دوسرے کے درآمدی مال پر عائد ٹیرف میں کمی کرنی چاہیے تاکہ دوطرفہ تجارتی اہداف کا حصول ممکن ہو سکے اور جاری تجارت مزید فروغ پائے۔انہوں نے کوئٹہ زاہدان فلائٹ آپریشن کے سلسلے میں ایران کے قونصل جنرل کے کردار کو بھی سراہا۔
اہم خبریں سے مزید