فرمان الہی
نماز کے اوقات
لاہور (آن لائن) لاہور کی عدالت سے پی ٹی آئی کے سینئر رہنماؤں کو سزا سنائے جانے کا امکان ہے۔ نو مئی جلاؤ گھیراؤ کے دونوں مقدمات کا محفوظ فیصلہ آج پیر 11 اگست کو سنایا جائیگا۔ راحت بیکری اور تھانہ شادمان جلاؤ گھیراؤ کے مقدمات کا عدالت نے دلائل مکمل ہونے کے بعد فیصلہ محفوظ کرلیاتھا، ان رہنماؤں میں شاہ محمود قریشی، ڈاکٹر یاسمین راشد، سینیٹر اعجاز چوہدری، عمر سرفراز چیمہ، میاں محمود الرشید شامل ہیں۔انسداد دہشت گردی عدالت (اے ٹی سی) نے 9 مئی کے پرتشدد واقعات سے متعلق دو اہم مقدمات، راحت بیکری کے باہر جلاؤ گھیراؤ اور تھانہ شادمان جلاؤگھیراؤ، کے جیل ٹرائل کے بعد فیصلہ محفوظ کر لیا۔جج منظر علی گل کی سربراہی میں کوٹ لکھپت جیل میں سماعت ہوئی جہاں وکلاء کے حتمی دلائل مکمل ہونے کے بعد عدالت نے فیصلہ محفوظ کیا۔سماعت کے دوران پاکستان تحریک انصاف کے رہنما شاہ محمود قریشی، ڈاکٹر یاسمین راشد، سینیٹر اعجاز چوہدری، عمر سرفراز چیمہ، میاں محمود الرشید سمیت دیگر ملزمان کمرہ عدالت میں موجود تھے۔
