فرمان الہی
نماز کے اوقات
اسلام آ باد ( رانا غلا م قادر )سینیٹ کی قائمہ کمیٹی برائے ہاؤسنگ اینڈ ورکس نے سرکاری ہاؤسنگ سیکٹر میں اربوں روپے کی بے ضابطگیوں، برسوں سے رکے منصوبوں اور کرایہ جات کی عدم ادائیگی پر سخت نوٹس لیتے ہوئے ریکوری کی واضح ڈیڈ لائنز مقرر کر دیں پی ایچ اے اور نیب کورٹس سے بلڈنگز کاکرایہ وصول کرنے کی ہدایت،10 سال میں ایف آئی اے نے وزارت ہائوسنگ ، منسلک محکموں کیخلاف 316انکوائریاں،22 مقدمات درج کیے،بریفنگ چیئر مین قائمہ کمیٹی سینیٹر ناصر محمود کی زیر صدارت اجلاس ہوا۔ ایک مشاہدے میں کمیٹی نے پاکستان ہائوسنگ اتھارٹی فائونڈیشن (پی ایچ اے-ایف) کی جانب سے گزشتہ 26 سالوں سے بغیر قانونی معاہدے کے شہید ملت سیکرٹریٹ میں دفتری جگہ پر مسلسل قبضے پر شدید تشویش کا اظہار کیا۔ وسیع غور و خوض کے بعد کمیٹی نے پی ایچ اے کو دو ہفتوں کا وقت دیا کہ وہ ایک مناسب معاہدے کو باقاعدہ بنائے اور پی ایچ اے سے کرایہ وصول کرنا شروع کرے۔ چیئرمین نے ریمارکس دیے کہ یہ ناقابل قبول ہے کہ طریقہ کار اس طرح کی صریح نظر اندازی اور بغیر مداخلت کے دو دہائیوں سے جاری رہا۔ کمیٹی نے فیڈرل لاج، وفاق کالونی، لاہور میں مارچ 2021ء سے کرایہ ادا کیے بغیر کام کرنے والی نیب کورٹس کے کیس کا بھی جائزہ لیا۔ اجلاس میں بتایا گیا کہ ہائوسنگ اینڈ ورکس کی وزارت نے بار بار وزارت قانون و انصاف سے کہا ہے کہ وہ بقایا جات کو ختم کرے۔ 14 مئی، 24 جون اور یکم جولائی 2025 کے سرکاری میمورنڈم کے مطابق 63اعشاریہ 378 ملین روپے اور احاطے کو خالی کریں۔9 جولائی کو ایک میٹنگ کے دوران وزارت قانون نے درخواست کی کہ کرایہ معاف کر دیا جائے اور جگہ کا ٹائٹل مستقل طور پر منتقل کر دیا جائے۔
